الشايب
قلبي شباب ولازم إني أعرس...مابي العجوز اللي توسد على الباب
الخير وأجد وماني مفلس...عندي فلوس تدعم البنك في حساااب
العجوز
ما باقي منك غير خشمك وهالضرس... تبى تعرس وانت كنك غراب
قابل صلاتك الله يشفيك من المس..وإلا ترى باطب وجهك بالترااااب
الشايب
انتي عجوز وأكلك الروب والخس...اما انا ما أكل غير تكة وكباب
ما فيني سكر غير ضغطي نازل بس...دام الهوى فيني ترى كل شي طاااب
العجوز
لا بارك الله فيك يالشيبه يالنحس...ما تجيبك الرمسه ولا يجيبك عتاب
قصرلي صوتك ماابي اسمع ولا حس...عطني طلاقي وانقلع وقضب الباب
الشايب
دومك نحيسه وذا لسانك يبيله قص... ربي ترى حلل لي اربع بالكتاب
هذا خميس ابي اخطب واعرس ...وارتاح بالدنيا بلا هم واعتاااب
العجوز
بطران وراسك كالصخر يابس وعص... مالوم ربعك يوم صارو لك اجناب
غادي شرا الاريل ودومك تتحيس... استح على وجهك اصلع ولعااااب
الشايب
فكيني من وجهك ترى مالي اي نفس... زهقان من شوفك وابقالي احباب
هذا طلاقك طالقة أربع وخمس... شلي طلاقك من ضميري بلا حسااب
العجوز
مشكور يا الشايب ومن دون اي دس... عندي حبيب ماابتعد لحظه وغاب
يشريك ويبيعك تراه باثمن وبخس... ماتسوى ظفره حلو اسمر وجذااب
الشايب
يالله قبل لا اموت منك وقتص... طلعتيلي قرنٍِ وراسي بعد شااااب
ياشينه البرقع ترى قدرك اختس... عجوز لك في الدنيا خلان واحباب!
العجوز
مثلك تراني وهذا لك في العمر درس... لاني اميز بين شيبه وشياااب
وإلا نسيت اني على الموضه اللبس...ماعلموك اني بلا شيله وحجااااب
تحياتي للجميع
