الي تبي ترفع ضغط اخوها

عندي دروس خطيرة لا تفوتكم يا بنات .. شوفوا اللي مقهورة, واللي تبي تنتقم ,
واللي تبي ترفع ضغط وسكر أخوها أو الشباب اللي في بيتهم ، تتبع هالخطوات والله يساعدكم

يلاا نبداااء بس تراني مو مسئوله من اللحين اقول ؟؟؟؟؟

الطريقه الاولى ==
اذا اخووك في احلى نوومه رووحي وهاااتي براد شاهي بس اهم شيء يكوووون حااااار مره
بعدين تجين عند اخوووك الصغير( لاتروحين لخوك الكبير لانه بيفقع وجهك ) بعدين تاخذين احد اصااابعه وتدخلينه في براد الشاهي === طبعاا هوو بيصحى غصب عنه بس الله يستر وش بيصير لك خخخخخخخخخخخخخخخخ

الطريقه الثانيه ==
اذا جاااء عز الظهريه واخووانك كلهم نايمين في احلى نووومه ( على بالهم قيلووله ) تعالي وقفلي المكيف ههههههههه ياحليلهم بيذبحهم الحرررر ========> والله من النذاله في راسك

الطريقه الثالثه بس موووسعه اكثر :
*** عند التلفزيون ***
لا صارت فيه مباراة, والأخ متحمس اقطعي هالحماس وشلون؟ !
أنا أقولك ..
شوفي إذا صار مبقق عيونه وماهو جنب احد يعني لو تجيبين صاروخ تفجرينه قدامه ماالتفت لك اعرفي انه منسجم , هنا بس تقومين بشغلك..
وتسوين نفسك بنت سنعه وروحي جيبي قطعة قماش وبخاخ للتنظيف وأوقفي عند التلفزيون وامسحي الشاشة
ولا تعطينه فرصه يشوف زين , وإذاقال: ابعدي. قولي ماني بفاضيتلك بنظف وامسح ، وبعدين روحي جيبي المكنسة
واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولايهمك احد..
وإذا قال: ابعدي لااصقعك على وجهك بالكأس قولي بيجون ضيوف . . العبي عليه حتى لو مو جايكم احد ,
وإلا سوي نفسك جالسه وتذكرتي إن الكيك بالفرن احترق انقزي لين توصلين للفيش ودوسيه برجلك ولا تلتفتين وراكِ..

*** عند النوم ***

لا صار التمساح يشخر.. نكدي عليه نومه وشلون؟! دخلي عليه بزارينكم وبزارين جيرانكم صكي الباب عليهم
وخليهم يلعبون بغرفته ويناقزون على رأسه ..تعرفي أطفالنا أحباب الله ولا ايش ...ههههه
وإلا تعالي وهو في سابع نومه وارجفيه ذيك الرجفة اللي يفز مايدري عن نفسه إلا وهو جالس.. وبكل برود قولي له نبي نروح للسوق ..

*** إذا المزاج صفر ***

إذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني تحرشي فيه خلي دمك ثقيييييييييل بالمزح
بس انتبهي في هاللحظه راقبي حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفة..
ماتدرين السالفه يا غالب يا مغلوب خخخخخخخخ
المهم.. اضحكي على شكله وإلا على جلسته وإلا على لبسه ..
هو بيقول ترى ماني بــرايق وضفي وجهك, انتي لا تسكتي قوليله واذا ماضفيت وجهي وش بيصير عاد هو بيقوم ويوريك وش بيصير
على سنع انتي في هالوقت اقضبي اول درجتين توصلك لغرفتك وطلي عليه من فوق وقوليله ههههههههههههاااااي
اهم شيء رفعت ضغطك وقومتك من جلستك

عادي .. عادي ولا صرتي بيبي وش فيها اهم شيء تحقيق الغايه اللي هي (( تفجير الأمبير ))


*** وقت الخناق ***

لا جاء يوم وبراسك حرش وتبين تطاقين أنتي والتمساح لازم تجهزين نفسك من كل ناحيه:

1/ اللبس: لازم تلبسين فاضي مو ضيق علشان يسهل الركض وتهربي من يده بسهوله

2/ الشوشه لازم تلمينهاوتسوين حفله براسك ذاك اليوم تحطين انواع الشباصات والمغّاطات والبنسات
وانتبهي ولا خصله تنزل منك وياليت يكون ذاك اليوم حاطه براسك صبغة او حنا علشان مايتجرأ ويلمس شعرك <==== ابن أمه يجيب مثل هالتفكير

3/ مفتاح الغرفه بجيبك الاحتياط واجب

4/ جمعي لك كم غرض وخليها جنبك




اذا بدت المعركه حطي راسك براسه ولا تبينين له انك خايفه وبققي عيونك فيه وقوليله وش براسك عاد
هو هنا بيقولك هذا اللي براسي طراااااااااااخ الا ومخمس مصفي طبلونه , لا تستسلمين عطيه بوكس على عيونه الثنتين علشان مايشوف الدرب
وحطي رجلك ومن عند الدرابزين طلي عليه وقوليله ان كان فيك خيرقابلني هو بيستشيط غضباً أحلى يا فصحى..
وبيجي التمساح يقابلك مايدري انك اذكى منه , هالحين جاء دورالاغراض اللي جمعتيها وبدووون رحمه ..
واضربي فيه ليييين تضربين الارض من تحته . وعلى طووووووووول لغرفتك اللي مجهزة مفتاحها من قبل واقفلي عليك ..
ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في عز الظهر...............

مــــــــــــــــــــــــــــــــــــــلا حظــــــــــــــــ هامة جداً ــــــــــــــــة..
ترا مالي دخل

لو طلّعلت قمة إفرست براسك..
والا طلّع بعيونك الوان الطيف.. والا ماسلم فيك ضلع..


من اللحين مالي شغل , ترى مالي دخل

وسلامتكم